(indice ricette) La schila, tuti sa, xe come un picio gambereto quasi trasparente (col nome sientifico Cancer Squilla). Le schile coi girai xe una minudaia sai bona, massime de magnar co la polenta. El giral ga nome sientifico Atherina Hepsetus, in italian Latterini, ma qua de noi se ciama Ribaltavapori… per la sua picoleza.

In una farsora con bastanza oio de boio se buta i pesseti resentadi soto aqua de spina e dopo sugadi. Se li frizi in tre minuti e se li magna apena coti. Se sala dopo che i xe friti.

PS - se no rivè a finirli tuti, con quel che resta podè preparar el giorno dopo una bona fritaia.

(indice ricette)

ricette triestine